Við tökum æfingaferðir um fjöllin og fellin hér í kringum höfuðborgarsvæðið áður en haldið er út í alvöruna. Af nógu er að taka og má nefna sem dæmi Akrafjall, Móskarðshnúka og allskonar Esjuferðir, Vífilsfell, Hengilinn, Helgafell og Húsfell við Kaldársel, fellin í Mosfellsdal, Stóra Meitil o.fl. o.fl.
Nánar hérÞetta er langflottasta ferðin okkar en einnig sú erfiðasta enda tæpir 190 km og er gengin á 15 dögum. Þetta er algjörlega mögnuð leið en fyrsti áfangastaðurinn er Gokyo-Ri þaðan sem við sjáum fjögur af sex hæstu fjöllum heims. Frá Gokyo er haldið upp og yfir Cho La Pass skarðið og inn á hefðbundna leið upp í Grunnbúðir Everest.
Hér göngum við hefðbundna leið upp í Gokyo Lakes og erum þar á sjöunda göngudegi. Á áttunda degi er gengið upp á fjallið Gokyo Ri þar sem við sjáum einn tignarlegasta fjallahring sem fyrirfinnst og þar erum við innan um fjögur af sex hæstu fjöllum heims. Göngum síðan um Renjo Pass til baka á fjórum dögum.
Hér bjóðum við upp á stystu mögulegu gönguleið upp í Grunnbúðir Everest, þetta er hefðbundna leiðin og sú sem flestir fara. Það er því mjög líflegt á stígunum, bæði mikill fjöldi göngu- og burðarmanna en einnig stórra skepna eins og jakuxa. Komið er upp í EBC á áttunda göngudegi og gangan niður aftur tekur minnst þrjá daga.
Þótt Nepal sé okkar topp áfangastaður þá bjóðum við upp á eina frábæra ferð til Evrópu. Það er hringur um Mont Blanc og gengur leiðin gjarnan undir heitinu TMB (Tour du Mont Blanc). Þetta er um 160 km leið með 10 þús. metra uppsafnaðri hækkun og er gjarnan gengin á 11 dögum en inni í því eru þó tveir "hvíldardagar". Má því nánast segja að gengið sé sem nemur einum Fimmvörðuhálsi á dag.
Anna Purna er talið eitt hættulegasta fjall heims að klífa. Við erum ekki á leið þangað en bjóðum hins vegar stórkostlega leið upp í grunnbúðir Anna Purna. Gengin er hringleið á níu dögum með viðkomu á Poon Hill, fáránlega skemmtilegu útsýnisfjalli. Þaðan er svo gengið áfram þar til komið er upp í ABC sem er í 4.200 m hæð og því viðráðanlegt verkefni fyrir flesta göngugarpa í góðri þjálfun.
Patagónía liggur mjög sunnarlega í Suður Ameríku á milli Chile og Argentínu. Magnað svæði sem þó hefur ekki verið mikið sótt af Íslendingum þótt eitthvað sé það að aukast. Fjarlægðin spilar þar e.t.v. inn í en flug þangað suður eftir er eins og það gerist lengst. Nánari upplýsingar koma fljótlega varðandi þessa spennandi tilrauna- og óvissuferð.
Endalaust má halda tölu um hversu magnaður þessi staður er.
Hér sjáum við m.a. fjögur af sex hæstu fjöllum heims, þau Everest, Lhotse, Makalu og Cho Oyu. Þá liggur lengsti skriðjökull Himalaya-fjallanna, Ngozumpa, hér fyrir neðan okkur, 36 km langur. Töfrandi Gokyo þorpið liggur svo á milli skriðjökulsins og Gokyo vatnsins.
Til að komast frá Gokyo upp í Grunnbúðir Everest þarf að klífa þetta stórfenglega skarð. Klöngrið kostar vissulega blóð, svita og tár en göngumenn fá líka erfiðið ríkulega launað þegar upp er komið eins og sjá má á meðfylgjandi mynd.
Sjá nánar
Grunnbúðir Anna Purna eru virkilega magnaður fjallahringur, þú ert bókstaflega umlukinn miklum fjallshryggjum allan sjóndeildarhringinn. Anna Purna fjallið er metið eitt hættulegasta fjall heims að klífa enda látum við það eiga sig.
Á þessari frábæru gönguleið leið sjáum við m.a. hið formfagra Fish Tail Mountain, það mun vera heilagt og því alfarið bannað að klífa topp þess.
Grunnbúðir Everest eru vissulega magnaður staður að vera á. Hér erum við stödd á algjörum hjara veraldar þar sem náttúruöflin virkilega kallast á.
Hér hafast þeir við vikum saman í tjaldbúðum garparnir sem ætla sér að klífa þetta hæsta fjall veraldar.
Þegar farið er upp í grunnbúðir Everest er boðið í göngu upp á útsýnisfjallið Kalapathar sem stendur rétt ofan við efsta þorpið á þessari leið, Gorak Shep. Fjallið virðist hvorki hátt, bratt né erfitt þegar á það er litið ... en
reynist þó mörgum torfarið er á reynir. Frá Kalapathar er sérlega gott útsýni yfir grunnbúðirnar, Mt. Everest og fjallahringinn þar um kring.
Það er svo sjálft Pumo Ri (7161m) sem gnæfir þarna yfir hryggnum en tveir ungir íslenskir fjallakappar (Þorsteinn og Kristinn) létu lífið í hlíðum þess árið 1988.
Gönguleiðin upp í grunnbúðir Everest er algjörlega einstök upplifun og að taka Gokyo hringinn toppar hana svo algjörlega. Þá er genginn hringur upp í Gokyo Lakes og síðan áfram yfir Ngozumpa skriðjökulinn og upp og yfir ChoLa Pass.
Frá skarðinu liggur leiðin svo inn á hefðbundnu leiðina upp í grunnbúðir Everest.
Þetta er sum sé sú ferð sem er í mestu uppáhaldi hjá okkur.
